Vawin hian Aam Aadmi Party chuan Delhi Deputy CM, Manish Sisodia an man avangin BJP Office Aizawl, Mizoram kawtah duh lohna an lantir a. “BJP te chuan Aam Aadmi party te dinchhuah hi an hlauh ber anih avangin kawng tinrenga nekchepin sawrkarna hmang sualin harsatna party dang te
tan an siam nasa hle a. A bik takin Delhi CM Arvind Kejriwal hnuaia sawrkarna hi Central sawrkar thiltih theihna hian min bei nasa zual a ni.
“Pu Manish Sisodia hi chhuah anih thuai theih hi Mizoram AAP duh dan ani a, Narendra Modi leh a thuihhruai BJP te hian Mipui rorelna(democracy) leh Ram Dan (Constitution) hi an duh duh dan
a an kal pui hi kan duh lo hle ani tih kan puang bawk ani, an thil diklo tih te bei turin a theih tawp Mizoram AAP chuan a chhuah zel ang.
“Mizoram-ah pawh BJP te hian thiam takin hnam chi bing politics an rawn chaw lut mek a, sum hmatheh an neih hi kan ram tan a him loh bakah BJP lal hnu hian keini Kristian te hi India ram hmun
hrang hrangah nasa taka nekchep kan ni mek ani.
“Kan ram hruaitute’n kan rama ro an rel dan hian thin a tirim hle a, session a kan tawng duhdante pawh hi a zahthlak takzet a ni. Mizo mipuite hi kan harhchhuah zel a, ram tana tha lo chu nasa taka do turin kan in sawm a ni,” tiin thuchhuah an siam.
