Vawiin March 9, 2023 (Ningani) chawhma dar 11:00 – a PC Party President Vanlalruata kaihhruaia Elected OB meeting Pu Zaluta Building, Venghlui-a ṭukhawm chuan Lunglei Municipal Council (LMC) Election lo awm turah PC.Party in Candidate hran siam lovin Party mite chu miṭha leh rintlak lo thlang mai turin zalenna pek nise an ti.
Lunglei khawpui chhûnga veng hrang hrang te’n hmasawnna changtlung zawk siam sak thei tur Lunglei Municipal Council an nei thei ta leh hemi a mawhphurhna kengtu turte thlanchhuahna hun leh hmun ruahman fel a alo ni ta hi PC Party chuan lawmawm a ti a; Muanawm taka inthlanna fel leh ṭha nei turin duhsakna an hlan a ni.
Vawiina PC Party Elected OB meeting in Lunglei Municipal Council (LMC) inthlanna neih tur chungchâng ngun taka kan ngaihtuah in PC Party General Headquarters Office ṭhiah leh sak ṭhat buaipuia an ṭul vanglai tak alo ni bawk nen, tun ṭuma Lunglei Municipal Council inthlana-ah hi chuan chuh ve lo mai ila an ti a;
Hetih rual hian Lunglei lama PC Party mi leh sa te chu candidate te zinga mi ṭha leh rintlak te chauh thlang turin zalenna (Free hand) pek mai nise an ti bawk.
