Baratiya Janata Party Central Schemes Monitoring & Vigillance Cell chuan Lengpui Airport hnathawh lai chim chungchang ah ni 15/3/2022 khan a hmunah kala an enfiah thu an sawi a. “He thil thlenga mawhphurtu chu Finance leh PWD changtu Chief Minister Pu Zoramthanga a ni,” an ti.
BJP Mizoram chuan vawiin khan Aizawl Press Club-ah chanchinthar lakhawmtute kawmin, “Lengpui Airport hnathawh lai chim hi India ram puma thil zahthlak, Mizoram mipuite tana thinrimthlak a ni. Tuna Airport Cute siam tumna kawnga Iron & Steel Structure, Cement Concrete Ban, Beam, Slab awm tawhsa bakah, bungraw hman tur thlenga mithiam ten an endik hma chu hna zawng zawng chawlhsan rih turin kan phut a ni.
“Aviation Department – Airport leh Thlawhna Service hi sawrkar tana mipui sum khawhralna hautak tak a ni a, Central sorkar pawhin Disinvestment/sumkhawhralna Sector tiin mimal enkawl turin a dah deuh vek tawh a. State rethei Mizoram Sorkar in Lengpui Airport a enkawl pawh hi hlawkna neilo kum tin mipui chhiah pek tlingkhawm Budget atanga Rs 350 lakh (nuai zathum sawmnga ) khawhralna a ni a, ngaihtuahna fim tak hmanga ennawn tul a ni.
“Covid-19 hripui leng avangin, India ram pum Lockdown ni 76 zet neiin mipuite eizawnna Agricultural, industries leh Services Sector te a chawl thup a, mi nuaih 400 chuang eizawnna atana an hnathawhna chan an awm hman a ni.
Central sorkar chuan State tin mipuite ei leh bar a harsatna an tawhna atanga chhanchhuahna tur Special Central Assistance hnuai ah a pung awm lo in State tin te loan min pe liam liam a. A hmanna tur pawh tinzawn sa neiin mipui dawmkanna tura hnathawh tur siam tam leh hnathawkte awlsamna tur siam sakna tur a ni. He Scheme hnuai ah ringawt pawh Central chuan Mizoram sorkar hnenah cheng nuaih 50000 a pe a. Hemi atang hian Lengpui Airport Cute siam nan cheng nuaih 5041 ruahman in Phullem phah,Hallsak,Police Lal Office Building sakna etc atana a hmang hi mipui mamawh hmasa ber nilo leh thil tul hmasa rihlo a ni.
“Hetiang sorkar kalhmang hi mipui thlawhkhumna,mipui mamawh hmasa nilo project lian siam chawpa mi tlemte tanghma haina leh Mipui hnuaichhiahna (Anti-People Policy) a ni tih hi BJP Mizoram Pradesh Central Schemes Monitoring & Vigilance Cell chuan kan sawi duh a ni,” an ti a.
- “Lengpui Airport chungchanga kan thil hmuh leh hriat te hi ziakin Chief Secretary,
Ministry of Civil Aviation, National Disaster Management Authority,Govt of India,Department of Disaster Management & Rehabilitation,Govt of Mizoram,Pawisa pe tu Central Finance Ministry ah te Complaint thlenin hnakal lai mek pawh endik anih hma a chawlh tir turin kan ngen dawn a ni,” an ti bawk.
