Vawiin March 15, 2023 ( Nilaini) chawhma dar 11:00 am hian an President Vanlalruata kaihhruaiin PC Party OB meeting Pu Zaluta building, Venghlui ah an nei.
He hunah hian Vanlalruata chuan, “PC Party in ram hruaina kawnga kan hmalakna turah Ram leh Mipuite tana ṭha zawk leh mil turin Dan(Law) palzût chin kan nei dawn a ni,” a ti.
Vanlalruata chuan, ”Sawrkar laipui in rampum behchhan-a dan a siam te hi kan ram, hnam leh sakhaw tân a himna ti derthawng thei thil a awm a nih phawt chuan palzût chin emaw, a ram leh mipuite duhdàn mila siamrem a ennawn a ni ang,” a ti a;
Heng zingah hian Rental Act siam ṭhat te, Law Commission nuaibo a, Dan thar siam a Directorate of Prosecution din in, thubuai hrang hrang chinfel chak anih theihnan Fast Track Court din a ni dâwn a. Zu chungchâng Dan siamṭha in Zuchhia kan tibo ang a, a mamawhtu te tan zu ṭha lei tur kan awmtir ang a; Reserve Forest ṭhenlai hi ram tana hmasawnna liantham (infrastructure) tluang taka kalpui theihna tur atan kan de- reserve ang a; Tin, Dan ṭhenkhat palzût in Aadhaar Card neilo sorkar hnathawk te hian Card nei te hamṭhatna dawn zawng zawng an dawng ang tih leh a dang tamtak te siam rem tur a awm a ni,” a ti bawk.
