In kangah mi pakhat kanghlum

Vawiin khan Bawngkawn Christian Centre bul lawka in pakhat, Assam type in kangah mi pakhat a kang hlum.
Vawuin tlai dar 4:40 vel khan Bawngkawna Nazami in chu a kang a. In kan lai hian in neitu hi a awm loh lai a ni a. In hnuaiah hian Nazami fanu Lalnuntluangi (33) leh a pasal te chhungkua an cheng a ni.
Kangmei chhuah chhan hi chiang taka hriat theih ni lo mah se, in hnuaia hnawmhnawk zinga mei bung paih a\anga kang kai nia rin a ni a. In a kan hnuah Lalnuntluangi leh a pasal bakah an inleng te chu an tlan chhuak a. Mahse, in chung lamah Lalnuntluangi hi a tlan luh lehin, chuta tangin a lo chhuak leh tawh lo nia sawi a. Lalnuntluangi fate erawh ina an awm loh lai a ni thung.
In kang hi thenawm khawveng te leh Fire dept. te’n theihtawp chhuahin kangmei chhuak hi thelh tuma an beih hnuah, in dang kangkai hman loin kangmei hi thelh mih a ni.
Lalnuntluangi ruang hi vawiin vek khan post mortem tura lak nghal a ni a. Naktuk chhunah vui a ni ang.