AR chhuahsan tur Urban Park-a hman duh

Aizawl khawpui lailia Assam Rifles-in an ram luah mek an chhuahsan hunah mipui vantlang tan he hmun hi Urban Park-a hman nise an duh tih Aizawl Hmathlir Pawl chuan an sawi.
Vawiin, April 21-a Aizawl Press Club-a inrawnkhawm huaihawttu Aizawl khawpui tana hmathlir neia din – Aizawl Hmathlir Pawl chuan Assam Rifles-in ram an luah mek hi an chhuahsan hunah thildang atan ni lo, Urban Park atan hman a nih theihna’n theihtawp chhuaha hma lak nise, an ti.
He hmalakna tawiawm a, tuipui tu pawl hrang hrangte thawhpuia sawm nise an ti a. Kalkhawmte hian pawl anga indin nise, tiin, hruaitu lailawk an inruat nghal a ni.