Aizawl May 30, 2023: Mizoram-a thei, pangpar leh thlai chi hrang hrang chingtute leh zuar thin te bakah; thei leh thlai atanga eitur vawn that theih siam lama tui mite puala Horticulture Department-in kum 2012 atang a buatsaih thin Horticulture Fair chu vawiin khan Aizawl Club Park-ah neih tan leh a ni a. Dy. CM. Tawnluia chuan Khuallian niin a hmanpui.
He hun hi Horticulture thlai leh chingtute leh zuar thin tan ‘Buyers & sellers Meet’ angin kalpui thin a ni, tunah chuan hetiang lam zuar te tan khawmpui lian a ni chho tawh.
Horticulture Fair hi kum tin fur ruahtui tlak hma, thlai leh thei phun hun mil tura buatsaih thin niin, May thla tawpah emaw, June thla tirah neih a ni ber thin a ni.
Horticulture Department chuan kum tin he kut hi Kuthnathawktu ten hma an sawn a, an thawhrim rahte an hlawkpui theih nan kum 2012 atang khan Horti fair hi a buatsaih sak thin a ni. Horticulture lam chuan kum tin a chhimtu leh chhawrtu an tam tawlh tawlh niin an sawi a. 2020 leh 2021-ah erawh Covid hri avangin he fair hi neih a ni lo a ni.
Kum 2012 atanga 2023 chhung khan stall neitute hralhchhuah tawh zat hi Rs. 285,77,358/- a ni a, Kuminah hian stall – Pangpar 128, Thei tiak 26, Pot 8, Leitha 4, Mimal entrepreuner 5, State pawn pali, Department stall 2, A vaiin stall 177 a awm a ni.
Kumin Horti Fair 2023-ah hian State dang atangin Mau atanga thil siam zuar thinte stall nei tura sawm niin, stall pali an rawn hawng a a, chungte chu.
1. Beyond Terry Towels, Maharashtra, India
2. Bamboo and Cane Developmens fosilute (ICDD) 010 NECTAR (North East City , Telog Application and Reach) Agartala Secretariat, Agartala, West Tripura
3. National Institute of Design (RID), Beligaluru
4. North East Cane and Bambeo Development Council (NECGDC) Under North Eastern Council (NEC), Burnihat, Assam
Horti Fair buatsaih rual hian kum tina an tih thin angin, Best Horticultures Fermer, District tin atanga thlanchhuahte chawimawina hun hman a ni bawk a.
2023 kuma District hrang hranga Best Horticulture Ferner thlanchhuahte chu heng mite hi an ni.
SL. Best Horticulture Farmer District
1. C. Lainunmawia – Aizawl
2. Zohiningthanga – Mamit
3. Zakimi – Hnahthial
4. C Lalrampara – Champhai
5. Hmingmawia – Lunglei
6. Lalmuansanga – Lawngtlai
7. Vanlalhruaia – Saitual
8. C. Lallura – Kolasib
9. Vanlalsiama – Khawzawl
10. Vanlalhluti – Serchhip
11. C. Beingiachhie – Siaha
