Molsom Youth Association (MYA) Headquarters, Tripura chuan Manipur tualchhung buai avanga Meitei leh Zofate inkara inhmuhthiam lohna awm avanga sahimna zawnga Mizoram rawn raltlan tanpuina turin Central YMA kaltlangin tanpuina Rs. 80,000 an hlan.
Molsom Youth Association (MYA) te hi Tripura a awm an ni a, Manipur tualchhung buai avangin an unau Zofaten harsatna an tawk tih hria in tanpui ngei an duh a, tanpuina turin Vehbur an khawn a, an vehbur khawn atanga pawisa lut zawng zawng Central YMA kaltlangin an hlan a ni. Molsom Youth Association, Tripura hruaitute hi anmahni an lo kal theih loh avangin an aiawhin Aizawl a an Welfare hruaitu ten an hlan a ni.
He huna thusawitu R. Lalngheta Central YMA President chuan, “Unau nih hi a nuam a, khawi hmun ah pawh awm ila kan in unauna a bo lo tih a lang chiang zel a. Tanpuina kan pe tam thei emaw thei lo emaw unau kan nihna kan tih lan zel hi a hlu a ni. Kan unau ten khawi hmuna pawh harsatna an neih chuan Central YMA chuan an tan ke kan pen zel ang.”a ti
