IBPS RRB hnuaia Mizoram Rural Bank-a thawk tur hnaruak lak chungchangah Mizo Students’ Union (MSU) General Headquarters, Aizawl te chuan Mizoram Rural Bank (MRB) Head office-ah General Manager an kawm.
MRB hnaruakah hian Officer Scale-1 bikah Scheduled Tribe (ST) tan post a awm tlem ṭhin hle a, kuminah phei hi chuan a awm lo hial a ni. Hei hi Central Reservation Policy-ah ST tan post a tlem em vang a nih thu MRB hotute chuan an lo sawi a. Mizoram Rural Bank-ah Mizo ṭhalaite a tam thei ang ber an luh theihna atan MSU chuan theihtawp a chhuah dawn a. Hemi chungchangah hian Ministry of Finance lam pawh MRB hotute nen dawr ho dan tur leh hmalakna kalpui dan tur sawi ho a ni.
Tin, MSU chuan hnam dang Mizoram pawn aṭanga MRB hnathawk tura lo kalte dânin a phût angin Proficiency Languange Test an paltlang ngei em tih a enfiah reng dawn a, Public Sector Unit (PSU) hrang hranga hnathawkte’n dan ang taka Mizo ṭawng an thiam leh thiam loh exam buatsaihtu tur Board felfai tak a nih theihna atan MSU hian hmalakna kalpui an tum mek bawk a ni.
