Vawiin khan MNF chuan an office Mizo Hnam Runah chhung inkhawm an nei a. “India Court-in 2025 Mizoram Sawrkarin VC inthlan hma chhan chu refference ah rawn hmang se, hei hi Judgement order chu ani a lawm an la rawn tih hun chuan, kum 2025 VC inthlan pawhnaih chhan Sawrkar mek in an siam chu a la nuihzatthlak ngawt ang, a ti. A chhan tha tawk tak awm lova, VC/LC inthlan sawn hma emaw sawn hlat hi democracy zah lohna lian tak a ni,” MNF President, Pu Zoramthanga chuan, a ti.
ZPM sawrkar in inthlan hma chhan an sawi hrang hrang chu ‘Chemtatrawta thawnthu’ ang chauh a ni, an chhuanlam ber sum harsatna chu Deficit grand Central atanga lokal chu a zuih zel a vaibelchhia 30 lai a a tlém tak thu an sawi chu chhuanlam a tling loh thu leh vaibelchhia 900 chuang share of taxes atanga kan hmu thu leh hei hi a remchan ang zel a un tight fund a nih a, sum harsatna vang a ni, an tih hi chhuanlam a tling lo. MNF sawrkar tirh kum 2020 khan VC ah 63% leh LC ah 85% an tlin thu sawiin, ZPM sawrkar tirh ah erawh VC ah 48% leh LC ah 53% chauh an tling thu a sawi. Lunglei ah pawh LC ah 33% chauh ZPM chu an tling a ni. “Cabinet ah pawh sawihona awm miah lova, VC inthlan sawn hma hi tu tih nge tiin an la inzawt ngei ang”, Pawl te reuh tete a dictatorial power hmang thin khan Sawrkar ah a hmang ta zel em ni, VC/LC inthlan rawn zikchhuah dan a Chief Minister dictatorial power hi awmzel tur atan a tha lo hle a ni, MNF president chuan, a ti.
“MNF in OMB leh a dangte atangin sum an puk a, keini chuan kan puk ve dawn lo,” an ti a, an sawrkar a thla tin deuh thaw ZPM sawrkar chuan an puk a ni. ZPM sawrkar chuan, Look before you leap tih thu fing awm sa chu engahmah ngai lovin, zuang hmasa phawt la, a ṭul leh kan la en dawn nia an ti a, an dai bawrh bawrh mai a ni. Kum 5 kal ta a Covid avanga sum kan hmuh kim loh chu, CM chuan Finnace minister hnenah dil lehin, Tax tlingkhawm .5% chu Actual nen lam an hmuh vek tawh thu in Mizoram sawrkar chu finance lamin an chhang a ni. Pu Duhoma sawrkar hian budget system hi zir tha leh rawh se, MNF party Predident chuan, a ti.
SASCI sum 200vbc 2nd installment chu project details fel tak siam niin, Tender pawh tih fel hman vek a ni. Contractor pawh thlan vek tawh niin, midang contact security deposit nen lam a tihfel tawh leh ṭhen khat chuan an thawk zo tawh nghe nghe a, sum pawh pek chhuah tawh anih lai a, thawh hmabak la awm insem hial duhna ZPM sawrkarin an nei chu a tha lo hle a ni. SASCI sum 200vbc chu rulh ngai dinhmun ah ZPM sawrkar chu a ding mek a ni, MNF President chuan, a ti.
“Airport chu an hralh miah lo ang”, tiin, ZPM in Airport hralh an tum hi anmahni vuak letna tur ruahmanna an insiam zawk a ni. ZPM sawrkar chuan ZMC hralh an tum tawh bawk a, inzir tum lo leh an thawm ti ring em em ringawt mai a, William Shakespeare an “Full of sound and fury, signifying nothing” a tih ang chauh an ni, MNF President chuan a ti.
