A nupui leh a nupui tupa thattu a rinhlelh Roliana, Liantea ti a hriat bawk, nimina thlam a a ruang an char chu nimin khan vuiliam a ni.
Myanmar lam mi ni a hriat Liantea ruang hi Pathianni khan postmortem examination tih a ni a, chumi hnu-ah vuiliam nghal a ni.
Puan tawh angin Nilaini (December ni 7) zing kara Mamit Luangpawl venga Pi Rokimi (kum 51) leh a tupa Mark Lalawmpuia (kum 7) te an chenna in a rawng taka thattu a rinhlelh Pi Rokimi pasal Liantea (kum 36), Myanmar ni lam mi chu nizan dar 6 vel khan mi huan thlamah a ruang hmuh a ni a. Chemte hmanga amah leh amah a intihlum ni a rin a ni.
Tualthattu a rinhlelh Liantea hi inrinni chawhnu khan Luangpawl khawtlang chuan zawng lehin nilai zan a an hmuhna ep tlang Mamit khaw ram chhung Tuidai thlang Pu Rodingluaia Kuhva huan thlamah hmuh a ni a, amah zawngtute a hmuh rualin chemte bawhin amah leh amah a intihlum niin amah zawngtute chuan an sawi a ni.
