Tui lian avanga harsatna tawk mek, Silchar mipuite tan Central YMA chuan tukin zing khan a thawh hnih nan tui thianghlim an thawn.
Central YMA chuan tunhnai ruahsur nasa avanga tuilian nasa tak tuar, Silchar, Assam mipuiten an tlakchham tuithianghlim in tur Litre 12,276 chu tukin zing khan a thawn leh a, Central YMA kaihhruaina hnuaia Silchar mipuite tui thianghlim pek tur thawh 2-na atan hian Aizawl khawpui chhung Branch YMA 21 ten Tui case 818 thawhkhawmin, mimal pawl leh Kohhran lam atangin case 205 thawhkhawm nen a vaiin case 1023, Litter 12276 a tling a ni.
Tui thawhkhawm a nih bakah hian YMA Branch thenkhat, tui thawhkhawm remchang lo Branch 14 ten pawisa fai cheng 50,300 leh mimal, pawl leh Kohhran lam atangin cheng 52,200 an dawn chu Silchar Br. YMA hnena hlan tura ruahman a ni a. Central YMA life jacket thawn thlak nen Silchar Br. YMA ten tui thianghlim tlachhamte hnenah Mizo mipuite tuipek an sem a ni.
