Vawiin khan Mizoram AAP hruaitute chuan Governor Gen. (Dr.)Vijay Kumar Singh an hmu a, Mizoram Universal Health Care Scheme (MUHCS) chungchang an sawipui a, hma lakpui turin ngenna lehkha an thehlut nghal a ni.
AAP Mizoram chuan, “01/04/25 a hawn tan tawh Mizoram universal healthcare scheme,vawiin thlenga mipui tam zawkin kan la hman tangkai thei lo hi a lungchhiatthlak kan ti a,mipui te tawrhna hi a pawi kan ti tak zet a ni.
“Non- Govt.Hospital Association of Mizoram(NGHAM) hnuaia private leh kohhran damdawiin tam zawkah he scheme hi a hman theih loh avangin damlo tam tak ten harsatna kan tawk mek a ni.
“Non-Government Hospital Association of Mizoram (NGHAM) in a he scheme an zawm theih loh avanga mipui harsatna sut kian a hmalak pui theih dan tur kan sawipui nghal bawk.
“Kan sawihona ah Governor chuan mipui harsatna tawh mek hi a ngaih pawimawh thu a leh a rang thei ang bera hmalakpui min tiam.
“Tunah hian kan Health Minister leh Health Department official-te Thailand-ah Health Care zir turin an thang mek a. Engkim Researched Based a kalpui vek tum anga in sawi ZPM sawrkar hian engvangin nge Mizoram Universal Healthcare Scheme hman a nih tawh hnuah zirchiang tura an kal leh hnuhnawh si hi mipui hmaah insawifiah tur in kan phut tlat a,Keini chuan he scheme hi mipui bumnaah kan ngai a,a rang thei ang bera mi zawng zawng hman theih turin he scheme hi chhawp chhuah nise kan ti,” tiin thuchhuah an siam zui a ni.
