ADC Dan hre loah Larsap puh

Dr BD Chakma MLA, Vice President BJP Mizoram chuan, “CADC ah hian MNF MDC vek an awm tawh a, thla li nga dan ah Sorkar inthlak thleng reng kan nei a, Mizoram Governor ADC Dan hrelo kan neih avang in ADC ah harsatna tam tak kan tawk a, CADC ah nasa takin Sorkar a buai tawh a, MADC ah pawh Single Largest Party kan nih ang leh Sorkar siam tur a kan hmalakna pawh ngaipawimawh lova, Dan anga hma la ngamlo Governor, 6th Schedule Dan hre lo kan nei hi a pawi hle a, hei hi ADC te tan a pawi hle a ni,” tiin vawiina BJP Office Upper Republic, Attal Bhawan-a Political Session neih naah a sawi.
Dr BD Chakma chuan, “Governor hi Party tan bik nei lo, Constitutional Head anih vangin BJP chuan Constitution kalh a hma la turin kan ti ngai lova, dan ang taka hma la turin kan ngen mai zawk a ni. Nimahsela, Dan anga thu a ti tlu ngam lo leh a thuneihna pawh hre lo Governor hi Mizoram hmalam hun atan pawh a that loh avangin Central ah thlak ngei turin hma kala zel dawn a ni,” a ti bawk.