Mizo Students’ Union (MSU) Gen. Hqrs. Aizawl chuan Directorate of Higher & Technical Education in ni 21 Oct., 2022-a advertisement a tih chhuah {No.A.12011/4/2022-DTE (HTE)} LDC (Provisional Employee) post 6 lak tura dil thei chin bithliah Diploma in Computer Application/Certificate-a Mizoram State Council for Technical Education recognised ngei thiamna neih a ngai a tih chu Mizo Zirlaite huap kim lo a tih avangin ennawn turin sawrkar a ngen.
MSU chuan he Provision leh Regulation Rules hi huapzau lo leh tihbik nei hna lak tumnaah a ngai a, vawiin khan hemi chungchangah hian Director, Higher & Technical Education chu a office-ah hmuin advertisement hi chhuah tha tur leh Mizo Zirlai Computer Application-a diploma nei zawng zawngte’n an dil theihna tura ruahmanna siam turin a ngen a. Department hotute nena indawrnaah siam that tha tihtlanna leh MSU ngenna chu dik an tih thu sawrkar lamin an lo sawi avangin MSU chuan lawmawm a ti a. Mizo zirlai hna zawng mekte tan thu lawmawm hriat thuai beisei a, theihtawp chhuahin a en zui zel dawn bawk a ni.
