Vawiin chawhma dar 11:00 khan Agriculture Minister Pu P.C. Vanlalruata chuan Saitual District Agriculture Office leh Ginger Processing Unit sakna hmun tur a tlawh a, Minister hi District Bawrhsap Dr. Lalngura Tlau leh Pi Hmangaihthangi Renthlei, DAO, Saitual ten an lo dawngsawng.
He hunah hian Agriculture Minister Pu P.C. Vanlalruata chuan Ginger Processing Unit chu sawhthing chingtute tan hmasawnna rahbi pawimawh tak a nih a beisei thu a sawi a, kut hnathawktute an din chhuah theih nan theih tawp a chhuah zel tur thu a sawi bawk.
Agriculture Minister hian Saitual District Agriculture Office bakah FOCUS office te, Ginger Processing Unit sakna hmun tur te, Tung Grower’s Association tana Processing Unit sakna hmun tur te leh Saitual Secondary Collection Centre (SCC) te a tlawh a. Minister hi District Bawrhsap Dr. Lalngura Tlau leh Pi Hmangaihthangi Renthlei, DAO ten an tawiawm a ni.
