Aizawl 6 December: Vawiin chawhnu 1pm khan Hon’ble Minister AH & Vety Department Pu C.Lalsawivunga chuan JB Foundation Animal Shelter, Bungbangla a tlawh, a Minister hi Animal Shelter dintu Pi Ramzirsangi leh a thawhpui ten an lo dawngsawng a,Minister chuan ran baihvaite leh khawngaihthlak tak tak te la khawma enkawlna tha tak an siam chu lawmawm a tih thu a sawi a,a enkawl tura mi in pe leh tlawmngai ran hmangaihtute chungah lawmthu a sawi bawk,Animal shelter changtlung zawk siamna tura CSR fund dil turah pawh chak zawka buaipui a nih theih nan theihtawp a lo chhuah pui tur thu a hrilh.He Shelter hi JB Foundation enkawl niin a enkawlna senso chu ran hmangaihtute leh mi tlawmgaite sum thawhkhawm an dawn te a ni a,He shelterah hian Ui 49 zawhte 18 Kel 1 zawng 1 te enkawl an ni.
Heng ran te hi mi enkawl chhunzawm theih loh,tihduhdah avanga enkawl chhunzawm tura lak leh damlo enkawl mumal theihloh te an lakkawm an ni.He shelter hmun hi AH & Vety Departmentin hun thiam chhung neia hawh tir ani.Minister hi Dr F.Lalramhluna Addl Director (VS&PH),Dr Robert Rualthankhuma Dy Dir (P&M),Dr Lalfamkima Dy Dir (VE & E),Dr C.Neihthangpuii Dy Dir (VPH) ten an tawiawm ani.Animal Shelter tlawh rual hian JB Paws Veterinary Hospital, Zemabawk chu a tlawh bawk a ni bawk.
