ASEP chuan nungcha humhalhna
kawngah hmasawnna tha zawk
an neih theih nan nungcha
humhalh chungchanga sawihona
hun Consultation meeting a
buatsaih a. He meeting hi General
Secretary Pu Lalhminghlua Bawitlung
te in, Ramhlun venglaiah neih a ni a,
President Pu K. Lalmuansanga chuan
hun a kaihruai a. Phai lam atanga
Mizoram rawn tlawhtu Wildlife
Conservation Network, Bangalore a
thawk Wildlife Correspondent leh
Researcher Nl. Aditi pawh he hunah
hian a tel ve a ni.
Aditi chuan Mizoram a hmuh dante
sawi chhuakin, Mizoram chu ram
nuam leh duhawm tak, nungcha chi
hrang hrang tamna hmun a ni a,
zirchian tur leh hmuhchhuah tur tam
tak a la awm a. Hengte hi humhalh
tlattu ni turin Zoram mipuite a duh
thu uar takin a sawi a. He
consultation meeting-ah hian
nungcha humhalhna lam thil chi
hrang hrang sawi ho a ni a, sawiho
zingah Air Rifle leh Airgun zalen
lutuk chu khuahkhirh deuh dan
awm thei se a duhawm tih thute leh
District tina SP te kaihhruaina
hnuaia awm District Wildlife Crime
Control Bureau te chuan chak
lehzualin hmalakna kalpui thei se tihte
sawi a ni.
Savaten bu an chheha no an neih hun a nih avangin mitinte an chunga
zahngaihna lantirtu ni turin ASEP
chuan an sawm a, “Kan ram rohlu
ramngaw leh nungchate chunga
ngilneihna lantirtu ni theuh turin
Zoram mipuite kan sawm tak meuh
meuh a ni,” an ti.
