State Election Commission, Mizoram thuchhuak angin Aizawl Municipal Area huam chhunga Local Council leh Aizawl District huam chhunga Village Council General Election neih tur atan a hman tur Local Council leh Village Council Electoral Rolls ennawnna – Summary Revision, 2025 chu neih a nih hnu ah vawiin khan Aizawl DC Er. Lalhriatpuia chuan Aizawl DC Conference Hall-ah a tlangzarh a ni.
Tun tum Electoral Roll ennawn naah hian qualifying date atan 01.01.2025 hman a ni a, January ni 1, 2025 a kum 18 tling te chu hming thunluh an ni. Local Council leh Village Council General Election neih hun tur chu State Election Commission, Mizoram in a hranpa in hriattirna a la rawn tichhuak leh ang.
Aizawl District huam chhungah hian Local Council 87 leh Village Council 70 a awm a ni. Tun tum Final Electoral Rolls ah hian Local Council Electoral Roll a voter awm zat chu Hmeichhia – 1,31,423 leh Mipa 1,13,303 mipa, an vaiin mi 2,44,726 an ni a. Chhungkua (household) 70,582 awmin, mipa ai a hmeichhia an tamna chu 18,120 a ni. Village Council Electoral Rolls-a Elector awmzat chu Hmeichhia – 31,869 leh Mipa-30,078 ni in an vaiin mi 61,947 an ni a. Chhungkua (household) – 17,878 an awm a ni; mipa ai a hmeichhia an tamna chu 1791 an ni.
Aizawl Municipal Area huam chhunga Local Council leh Aizawl District huam chhunga Village Council Draft Electoral Rolls chu 25.11.2024 atanga 09.12.2024 chhung khan Electoral Roll atanga paih, thun thar, siamthat ngai leh insawn duhte tan dilna (claims and objections) LLO/VLO hnenah thehluhna hun hawn a ni a. Ni 25.11.2024 leh 09.12.2024 chhunga dilna lut chu 10.12.2024 -19.12.2024 chhung khan MERO/AMERO/ERO/AERO ten an endik leh a. Hetianga an enfiah zawh hnu hian MERO/ERO-ten thutlukna an siam fel hnuah hming thunluh ngai, paih ngai leh siamthat ngaite chu thliar hran leh a ni a, hemi hnu hian Data entry (Computer-a thunluh hna) thawh zui nghal char char a ni. Local/Village Council Final Electoral Roll hi vawiin January 8, 2025 hiantlangzarh a ni ta a ni.
