Aizawl khawpui hmasawnna leh mipui chet vel awlsam na tur in Asian Development Bank (ADB) hnuaiah Aizawl Sustainable Urban Transport Project (ASUTP)chu ah hmalak tan a ni a. ADB kalphung angin tunah hian Aizawl khawpui chhung kawng leh in kal pawhna zirchiang tu tur mithiam Mott MacDonald Private Ltd., Noida, India chu rawih an ni.Consultant te nen hian Mizoram Sawrkarin ni 8th December, 2021 khan Agreement siam a ni a, an ni hian 18th January, 2022 khan hna an tan nghal a ni.
Ni 26.10.2021 khan Project Readiness Financing (PRF)atan ADB leh Government of India in Aizawl Sustainable Urban Transport Project (ASUTP) a tan an sign a. Tin, hemi rual vek hian he project implement dan tur Project Agreement chu Government of Mizoram leh ADB in an signed bawk a ni.
Ni. 8.12.2021 khan Consultancy Firm-Mott MacDonald Pvt.Ltd. chu he ASUTP hnuaia Aizawl khawpui kawngpui leh in kalpawhna te zirchiang a rawtna thlen tura Agreement ziahpui an ni. Mott MacDonald Private Ltd. hian Aizawl khawpui chhung kawngpui hrang hrang hi an zir chiang mek a ni.
He zirchianna kal zel atan hian Kulikawn leh Bawngkawn inkar a kawng peng thuam (Junction) pawimawh laiah, Aizawl Traffic Police leh Mott MacDonald Pvt. Ltd. (ASUTP Consultant) te chuan Trial Run Ni 23, 24 leh 26, June, 2023 hian an nei dawn a.Trial Run neih a nih chhung hian lirthei tlandan te tih danglam a ngai dawn a ni.Tin, lirthei parking te pawh a tikhaihlakin tih danglam ngai leh siamrem ngai te a awm dawn avangin, mipuite leh lirthei khalhtuten lo hrethiam a thahnemngai taka lo tawiawm a, lo thlawp turin ngen leh hriattir kan ni e.
