Aizawl Sahuan a Ramsa 15 te Indira Gandhi Zoological Park-ah dah

Aizawl Sahuan a Ramsa 15 te chu Indira Gandhi Zoological Park, Vishakapatnam ah pek an ni
India rama Sahuan ten Ramsa inthleng tawn (Animal exchange programme) an kal pui thin angin, Aizawl Sahuan a Ramsa 15 te chu Indira Gandhi Zoological Park, Vishakapatnam ah pek an ni.
Ramsa pek chhuahte chu:-
1) Zawng hmaisen (tuak li)
2) Telpui tuak hnih
3) Savawm 1
4) Zo zawng tuak khat
a vaiin Ramsa 15
Heng Ramsa la tur hian IGZP Vishakapatnam a thawktu mi 8 te chu Car 1 leh truck 1 hmangin an rawn kal a, zirtawpni (2.9.2022) ah rawn chhuakin ni 6.9.2022 thawhlehni tlai dar 4 ah khan Aizawl Sahuan hi an rawn thleng a ni.
An Ramsa lak turte hi Aizawl Sahuan a Range Officer hovin Sahuana thawktuten lo man fel sa vekin bawm (cage) ah an lo dah hrang fel sa vek a, nimin tlailam khan IGZP atanga rawn kalte bawm (Cage) rawn ken-ah dah luh nghal an ni a, hetianga fel taka an Ramsa lak turte lo dah fel sa vek an nih avang hian IGZP atanga rawn kalte hi an lawm hle a ni.
Heng ramsa te phur hian vawiin (8.9.2022) hian Aizawl Sahuan chhuahsanin, IGZP Vishakpatnam panin an let thla leh nghal dawn a, ni 10 vel kal kawngah hun hmang tura beisei an ni.
IGZP a Ramsa te neih zingah Aizawl Sahuana dah ve theih tur Ramsa mamawh a awm ve loh avangin tun tumah hian IGZP atang hian Ramsa lakluh a ni ve lo a ni.
Nikum february (2021) ah Aizawl Sahuan a Ramsa 13 te hi India rama Sahuan lian leh changtlung zawkte zing a mi Nandankanan Zoological Park pek chhuah an ni tawh bawk a ni.