Dr Lalmalsawma Nghaka Aizawl South – II Congress Candidate chuan vawiin khan Aizawl South – II Block Campaign Office Mission Veng-ah a hawng.
Aizawl S-II Block President Pu H Lalduhawma’n program a kaihruai a. Rev. Zosangliana Colney in hunserh a hmang a ni.
Dr Mala chuan party worker te chungah lawmthu sawiin taima tak hma an lakna a ropui a tih thu a sawi a.
Thlemna chitin reng karah rinawm takin Mizoramah Sawrkar Tha a pian theihna a huaisen tak a hma an lak zel avangin lawmawm a tih thu sawiin, Pathian khawngaihna dil reng chunga taima tak a hma la zel turin a fuih a ni.
Pathian khawngaihna a zarah hlawhtlinna a chang hlauh a nih chuan MLA fund hman danah te mipui leh Pathian mit tlung ngeia thawh a nih theih nana hma lakpui turin mipuite a sawm a.
MLA fund hi infrastructure development piah lamah bial chhunga miharsa zawkte dawm kan nan te leh eizawnna a tan tangkai tur thiamna lamah inzirtirna pek uar tur anih thu a sawi.
Zirlaite an zirna kawnga an harsatna sut kianpui tur leh hna an zawn huna thiamna an neih theih nan a bikin hma lak anih tur thu a sawi.
Dr. Mala chuan mitin mithar duhawm tak tak an neih zel thu sawiin, Pathian khawngaihna an chan nasat thu a sawi bawk a ni.
Bible ah Thufingte 31:8-9 in
“Mahni tâna sawi thei lo chu sawisak la,
Baihvaite pawh chhan rawh.
Retheite leh pachhiate thu chu
Dik takin rêlsak ṭhîn ang che”
a tih angin, Party Worker te pawh hetiang rilru pu chung a mipui rawngbawl turin a sawm nghal a ni.
