August 22, 2023 (Thawhlehni) hian Shri Bhakta Charan Das, AICC (i/c Mizoram) & Ex-Union Minister, Shri Sachin Rao, Observer for Mizoram AICC, Shri Pawan Khera, Chairman Media & Publicity AICC, Smt. Supriya Srinet, Chairperson Social Media AICC, Shri Mathew Antony, Spokesperson, AICC leh Shri Dr. Summit Dubey, AICC te chuan Mizoram an rawn tlawh a. MLA General Election 2023 lo awm tûr inbuatsaihna Media & Communication ṭha zawk a awm theih nan nasa takin hma an la dawn a. MPCC Office Bearers’ te nen inkawmhona hun hlawk tak hman a ni bawk. MPCC hruaitu hrang hrang te, Kohhran hruaitute leh NGO hruaitute nen an inkawm hnu August 26, 2023 (Inrinni) hian Delhi an pan leh ang.
He huna thusawitu Shri Bhakta Charan Das chuan, “Kum 2024 India ram puma MP Election kan hmachhawn hun atan Congress Party leh a thawhpui te’n Hindu lalram din tumtu BJP sorkar paihthla ngei turin I.N.D.I.A tih pawl kan din a. India ram puma ‘SAKHAW ZALENNA’ duh vâng a ni,” a ti. BJP te’n India ram hmun hrang hrangah Hindu lalram a pian theihna atan hma an la mek a. A bik takin North-east lamah hma an rawn la nasa hle a. Mizoram pawh a tuar mai thei dinhmuna ding (target) zinga mi in ni. Chuvangin, BJP sorkar hi sakhaw tenâu zawkte tan a him lo a. Mizoram mipui te’n khua a tlai hmaa ngaihtuahna thar in hman a, kum 2024 Central inthlan huna sorkar mai tur Congress Party leh a thawhpuite hi MLA General Election 2023 ah pawh in lo thlan tlin ngei a ngai a ni, a ti bawk.
Shri Bhakta Charan Das chuan, Mizoramah Congress Party hmalaknaa sakhaw zalenna duhtu pawl Mizoram Secular Alliance (MSA) din a ni chu lawmawm a tih thu sawiin, “ram leh hnam chhanna tak tak sakhaw zalenna ngaihtuahtu Congress Party leh a thawhpuite hi lo VOTE tling ngei turin Mizoram mipui ka sawm che u a. BJP leh a thawhpui Party-te hi hnawl ngam an ngai a ni. India ramah kan sakhaw biak dan ber a zalen loh chuan India khua leh tui ṭha nih a har a, retheihna in min umzui a, kan dikna chanvo (rights) nêk chepin a awm bawk a. Chu zawng zawng tuartu chu mipui kan ni,” a ti a. Chuvangin, ngaihtuahna hrisel leh thianghlim hmang i la, i ṭangho ang u, a ti bawk.
CS Thanga, GS MPCC (i/c AICC), MC Lalzirliana, Secretary MPCC (i/c AICC), R. Lalhmingmawia, GS MPYCC leh a hote leh Party hruaituten Lengpui Airport-ah an lo hmuak a ni.
