Nimin, March ni 11, 2024 chhun dar 12:00 khan MPSOA Conference Hall- ah Aizawl Municipal Corporation chuan Aizawl Traffic Police hnenah Baseball cap an hlan.
He hun hi Pi Sarah Lalrinkimi Addl SP Traffic-in kaihruaiin, Pu R. Thanglura, AMC Deputy Mayor-in baseball cap hi a hlan a ni. Deputy Mayor chuan thu sawiin, Aizawl Traffic Police an hahzia an hriatpui a, ni sa leh ruah sur hnuaia chawl loa mipuite tana khawlaia duty thin an nih avanga an tana remchanna leh hahdamna a lo nih ve theih beiseiin he baseball cap hi pe an nih thu a sawi a, Traffic Police leh AMC thawh hona a that avangin lawmthu a sawi a ni.
He hun hi SP Traffic lo ni tawh thin Pu Rodingliana Chawngthu, MPS, Anti Corruption Beaureau Director, Pu Rosiamngheta leh Pi C. Zothanzauvi, AMC Corporator ten an hmanpui a ni. Tun tumah hian AMC hian baseball cap 400 Traffic Police te hi an pe a, tun hmain Scooty 3, Traffic T-Shirt te an lo pe tawh a ni. He hun hi Pu Vanlalbiaka Joute Dy. SP Traffic-in lawmthu sawiin a ti tawp a ni.
