Vawiin hian Mizo Hnam Runah MNF General Hqrs. Elected Office Bearers te leh Aizawl City MNF Block hrang hrang Office Bearers te inhmuhkhawmna neih a ni a. He hunah hian Aizawl Municipal Corporator inthlan lo awm tur thlirlawkna uluk taka neih a ni a, hmalakna tur hrang hrangte sawiho a nih bakah, hmalakna tur duan lawk a ni bawk a ni.
He hun kaihruaitu Zoramthanga MNF President chuan thu a sawi a. “AMC inthlan lo awm turah hian mal kal turin ngaihtuahna kan hmang. Pathian leh mipui zarah sorkar siam leh ngei turin kan inbuatsaih a ni,” a ti.
He hunah hian MNF General Hqrs. aiawhin Pu Zoramthanga, President bakah Dr R Lalthangliana, Sr Vice President, Pu Vanlalzawma, Vice President, Pu Lalchhandama Ralte, Vice President leh Pu Lalruatkima Treasurer te an tel a. MNF City Block hruaitu ṭhahnem tak an kalkhawm a ni.
