All Mizoram CSS Employee Co-ordination Committee (AMCECC) chuan thuchhuah siamin, “Sawrkar kal laiin Mizoram Sawrkar hnuaia CSS Employee te tan Special Scheme min duan sak hi lawmawm kan ti a, Mizoram sawrkar hnuaia CSS employee te hi tun dinhmunah thawktu mi Sing tel kan awm mek a, Department hrang hrang a scheme / project khawihtu ber niin kum tam tak rim takin kan lo thawk tawh a ni,” an ti a.
“Kan Service chungchang min ngaihpawimawh sak a hma kan sawn ve na tur Study Group min din sakin, Joint Consultation Committee siam a, Special Scheme bakah hamthatna dang kan neih ve theihna tura ruahmanna min siamsak hi kan lawm viau rualin a hlawhtlinna, Mizoram Sawrkar inthlanpui puan hma a kan hmu hman lo erawh pawi kan ti hle a ni.
“Mizoram Sawrkar inthlanpui kan neihah hian eng party pawhin sawrkarna lo chang se, keini CSS hnuaia hlawh tlem tak leh rimtaka thawkte hamthatna tur, Special Scheme hi min tihhlawhtlin sak ngei turin kan ngen a. AMCECC chuan Special Scheme sawrkarin min tih puitlin sak ngei theihna turin theihtawp kan chhuah zel dawn a ni,” tiin an tarlang.
