AMC-in Plastic hman nawn loh chi hman tawh lohna office atan an office an puang

Aizawl Municipal Corporation chuan, nimin khan Plastic hman nawn loh chi (Single Use Plastic (SUP)) hman tawh lohna office atan an office an puang.
AMC Office leh a chhehvel SUP Free a puanna hi khuallian Lalrinenga Sailo Aizawl Mayor-in a nei a. Aizawl Mayor chuan, “Plastic hi tunlai khawvel ah chuan mitin in kan nitin mamawh ani tawh a, mahse kan environment ti chhe thei thil a nih avangin Central sorkar chuan Plastic Waste Management Rules, 2016 – hmangin khapna thupek a chhuah a, hemi denchhen hian AMC pawhin 50 micron aia pan plastic khapna thupek ni 1st Aug., 2019 atangin a chhuah a ni. He thupek hi Plastic Waste Managment (Amendment) Rules, 2021 chuan tlem a ti danglamin plastic bag 75 micron aia pan hman, kawl leh zawrh a khap a; hemi bawhzui hian AMC chuan ni 6th Dec., 2021 ah khapna thupek a chhuah a ni. Ni 1st Dec., 2022 atangin 120 micron aia pan khap turin a inpuahchah mek a ni,” a ti.
Mayor chuan, “Aizawl Municipal Corporation chuan nasa takin plastic hman tlem a nih theihna turin hma a la a. Dan in a phal loh thil ti lui te chu vaiin, 50 micron aia pan plastic bag Kg 5540 chuang a man tawh a ni. Dan zawm thalo te chu a tul angin the Mizoram Municipalities Act, 2007 hmangin hrem an ni thin,” a ti bawk.
Single Use Plastic (SUP) hi Central sorkar in ni 1st July, 2022 atangin a khap tawh dawn a; chuvangin AMC area chhungah chuan Single Use Plastic (SUP) hi khap ani tawh dawn a. Plastic Waste Management (Amendment) Rules, 2021 in ni 1st July, 2022 atanga a khap turte chu:
1. Earbuds with plastic sticks.
2. Plastic sticks for balloons.
3. Plastic flags.
4. Candy sticks.
5. Ice cream sticks.
6. Polystyrene (Thermocol) for Decoration.
7. Plates.
8. Cups.
9. Glasses.
10. Forks.
11. Spoons.
12. Knives.
13. Straws.
14. Trays.
15. Wrapping/packing films around sweet boxes.
16. Invitation Cards.
17. Cigarette packets.
18. Plastic/PVC banners less than 100 microns.
19. Stirrers.
Heng dan phal loh thil kawl leh zuar lui te chu The Mizoram Municipalities Act, 2007 leh Plastic Waste Management Bye-Laws, 2019 hmanga hrem theih an ni ang.