College of Veterinary Science & Animal Husbandary (C.V.Sc & A.H.), Central Agricultural University te chuan kar kalta khan Annual College Week an hmang.
College of Veterinary Science & Animal Husbandary (CVSc & AH), Central Agricultural University, Selesih te chuan an Annual College Week tun kar kalta khan an college ah an hmang a, Annual College Week ah hian in el na chi hrang hrang indoor games, outdoor games, literary, quiz, debate, cultural te leh a dang chi hrang hrang ah te in el na te neiin, class chi hrang hrang 8: 1st yr atanga 5th yr BVS & AH te, 1st yr leh 2nd yr MVSc te leh Ph.D class te a inthenin intihsiakna hi an nei a ni.
He week kharna hi ni 4 Nov, 2023 tlai dar 2:00 PM khan an college Auditoriumah ropui takin an hmang a, he week kharnaah hian Dr. Sanjay D Sawant, Director, RIPANS, Aizawl chu khuallian niin a hmanpui a, Dr. Lalnuntluangi Hmar, Dean, College of Veterinary Science & Animal Husbandary (CVSc & AH), Central Agricultural University, Selesih pawh a tel bawk. Khuallian Dr. Sanjay D Sawant, Director, RIPANS, Aizawl chuan in elna hrang hrang a chakte hnenah lawmmman semna hun a hmang a, hetianga College in zirlai naupang te tana week a hmang thei hi lawmawm a tiin zawng chhang tlak hle an ni a ti bawk.
He Annual College Week a class chi hrang 8 te inelna ah hian 4th Year BVSc &AH te chuan chak ber nihna hauhin Champion no mawi an dawng a, 3rd year BVSc & AH te chu Runner Up niin pahnihna dinhmun an hauh bawk a ni.
