Dated Aizawl the 9th January 2025 (Thursday):
Vawiin January ni 9, 2025 hian Winter Operation for Wildlife Conservation Programme kalpui mek bawhzui nan ASEP chuan Solomon’s High School nen ṭangkawpin Aizawl Zoological Park an tlawh. ASEP hruaitute leh Zoo lam thawktuten zirlai naupangte hnenah nungcha humhalh chungchang zirtirna bengvarthlak tak an pe a ni.
Sahuan fan kual hma-in awareness programme tawi hman a ni a, ASEP President Pu K. Lalmuansanga leh Zoo RO Pu James Thanmawiate chuan zirlai naupang duhawm tak takte chu nakin lawka kan ram enkawltu turte an nih dawn avangin kan ramin hausakna a neih hlu ber pawl environment leh nungcha humhalhna kawngah theihtawp chhuahtu ni turin a fuih a. Sahuan tlawh kual pahin nungchate nungchang leh an chanchin pawimawhte inhrilh hriatna hun hman pah zel a ni.
