African Swine Fever (ASF) hrileng chuan ziaawm lam a pan chho deuh niin a lang a. Vawiin bika AH&Vety department lam chhinchhiah danin Vawk thi hi Aizawl district-ah 20 ( Central Jail Vengah), Lunglei District-ah 2 (Tlabungah), Serchhip District-ah 5 (N.Serchhip North-ah) leh Hnahthial District-ah 23 ( Hnahthial 11, Pangzawl 7, Tuipui D 3, Thiltlang 2) niin Vawiin bika Vawk thi chhinchhiah hi 50 a ni.
Vawiin vek khan Vawk 76 suat a ni thung a. Vawk an suatte hi Lunglei district-ah 56 leh Serchhip district-ah 20 te an ni a. Vawk thi hi kumin Jannuary atanga vawiin Sept. ni 27, 2024 thlengin 13,295 ni tawhin, Vawk suat tawh zat hi hemi chhung vek hian 22,507 a ni tawh a, khua leh veng 243-in an tuar tawh a ni.
