ASF vangin Pathianniah vawk 130 a thi
Mizorama vawk pulhri, African Swine Fever (ASF) leng chuan zia-awm lam a pan niin a lang a, ASF lenna khua hri vanga thi leh finfiah lohna khua a thi a tlem sawt hle.
Kumin March ni 21-a ASF vawk pulhri avanga Lungsen khua a vawk thi a awm atang khan vawk thi hi a pung chho zel a. Tun hnaiah vawk thi hi a tlem chho ta a ni. Inrinni khan ASF vangin vawk 66 a thi a, ASF hri lenna khua a la puan lohvah vawk 4 a thi thung a. Zirtawpni khan hri lenna khuaah vawk 106 a thi a, a lenna khua a puan lohvah vawk 18 a thi a, Ningani khan ASF vangin vawk 94 a thi a, hri len lohna khuaah 19 a thi bawk.
Niminah ASF avangin vawk 130 a thi a, ASF vanga vawk thi tawh zawng zawng hi 25,256 a tling tawh a. Nimin khan vawk 19 suatin hri darh zel tur venna atan hian vawk 9,458 suat a ni tawh a ni.
