Lunglei Thlang Joint Maxicab Assn. (LTJMA) chuan, “Kan hriat theuh angin fur khua te a ni a, Lunglei Thlang (NH-302) kawng zawh tu te hi Maxicab 100 chuang (Welfare 4 leh Welfare hnuaia awmlo khaw 10 vel) kan awm a. NH-302 kawng zawh tu te zingah a bikin, Maxi Cab hmanga eizawngtute kan rum nasa hle mai a. Vawi 1 kan kal chuan chhia engemaw siam zel angai a, a part man a to in kan in maintain zo lo a ni. A khalhtu leh a neitu te kan mang a ang thin hie a. kan nawr emaw kan pawh emaw loh chuan Lunglei hi kan thleng thei meuh lo thin. Tin, Motor accident vanga nunna than ta te, Damlo na tak tak (emergency) te hi Hospital kan thlenpui hman loh chang a awm fo mai. Kawng chhiat a vang hian motor tang kan innawr na lamah accident te tawkin nunna hial chan tu te pawh kan awm tawh bawk a. Heng vanduaina tawk te pawh hian zangnadawmna an phu tak zet zet a ni.
“Hei vang hian LTJMA te chuan nikum lam atang khan nasa takin tan kan la a, NGOs hrang hrang bakah sawrkar Officials te thlengin tanpui kan dilin kan sawm tawh thin a. Heti chung pawh hian hmasawnna tih tham’ kan la hmu rih loh avangin keini Lunglei Thlang Maxi Cab Association (LTJMA) te chuan 19 August, 2024 (Monday) atang hian tiam chin awm lovin Maxi Cab service tih tawp kan tum a. Mipui kan him zawk nan leh, a thawktu contractor te, sawrkar hruaitu te heng kan harsatna hi ngai pawimawh a, a rang theihang ber a hma la turin kan ngen a ni.
“Tin, kan service loh chhung hian Lunglei khawthlang lam a Maxicab Service zawng zawng te he kan thuchhuah hi ngai pawimawh a keimahni tan a ni’ tih hria a zawm theuh turin kan in hriattir a. Kan chawlh chhung hian hnathawktu te kan ngaihven reng dawn a. Hmasawnna kan hmuh veleh, a hma thei ang ber a kan Service theih hun hi kan in hriattir leh ang. Loh theih loh na avang a LTJMA ten a thu tlukna kan siam hi mipuite min hriatthiam a, min tawiawm theuh turin kan in ngen a ni,” an ti.
