Vawiin khan HRD Board Vice Chairman leh Lengteng Bialtu MLA ni bawk L. Thangmawia chuan Saitual District-a Khawkawn khuaa BADP sum Rs. nuai 20 senga sak Community Centre a hawng.
L.Thangmawia chuan Khawkawn khuain Community Centre a nei ta chu lawmawm a tih thu a sawi a. Cheng nuaih 20 senga sakah chuan a tha takzet a, hlawkna um lova khawtlang hmangaihnaa he Centre tha taka satute chungah lawmthu a sawi. He Centre hi mikhual riah nghal theih nana duan a ni a, Khawkawn hi Inter-state Border(Manipur) a awm a nih avangin hetiang neih hi a pawimawh hle a, ramri khua a nih anga thil thar la awm tur pawh a la awm nual a, tun dinhmunah sawrkar sum dinhmun a that rih loh avangin hmalak zung zung erawh a la harsa rih a ni a ti.
K.Lalzawngliana, VC Member pawhin thusawiin Khawkawn tan hmasawnna kawngah bung thar kaipuitu Bialtu MLA L.Thangmawia chu lawmthu a hrilh a; zirna leh hriselna, intodelhna kawngah a hmalaknate chu khawtlang mipuiten theihtawp chhuahin an pui zel dawn a ni a ti.
Hawnna inkhawm hi Vanlaltanpuia, BDO Ngopa leh Civil SDO ni bawkin a kaihruai a ni.
