Baptist Church of Mizoram (B.C.M) Serkawn Headquarters chuan Tlawmngai Pawl Foundation For Drug-Free Mizoram chu an kohhran hnuaia zalen taka rawngbawl phalna Recognition a pe a, hemi ngaihtuahtu Administrative Committee chuan thawhhona hi 1 chhung atana tih niin; a tul anga la pawhsei leh theih a ni.
Hemi chungchanga BCM Headquarters Serkawnin lehkha a tihchhuahah Tlawmngai pawl Foundation For Drug-Free Mizoramin pawlin Mizoram dung leh vang fanga Demand Reduction kalpuia Ruihhlo that loh zia inzirtirna an kalpui mekah zalen zawkin BCM Kohhran huangchhungah tualchhung kohhran te nena inbiakna leh remtihna ang zelin; thusawi leh rawngbawl kawngah pawh kawng hawn a ni dawn ta a ni.
Foundation For Drug-Free Mizoram hian Kohhran hrang hrangah rawngbawlna a kalpui mek a, BCM hi Kohhran angah chuan thawhhona chungchanga official a lehkha tichhuak hmasa ber an ni. Tun dinhmunah member 1,200 a nei mek a. Naktuk hian Synod Conference Centre ah an pawl khawmpui lian HIGH COUNCIL an hmang ang.
