CESJ, Muanna veng leh Mutthi khawtlang chuan, Deputy Commissioner/District Magistrate, Aizawl District ah “Dan loa bawlhhlawh leh leivung paihin khawtual mipui leh lui pahnih a tihchhiat chungchang” ah a hnuai a mi ang hian lehkha an theh lut.
“Durtlang Leitan ram chhunga mimal rama AMC phalnaa leivung leh bawlhhlawh chi hrang hrang paihin, Muanna veng khawtual mipui nunphung a tihbuai leh, Muthi lui leh Tuipawl lui a tih chhiat te Muanna veng Branch YMA, Muanna Veng MUP, Muanna Veng Branch MHIP, Muthi Branch YMA leh Centre for Environment & Social Justice (CESJ) Mizoram te’n, Ni, 26 April 2025 khan a hmunah kan enfiah a. He laia bawlhhlawh leh leivung paih hi a hnuaia point-7 te avang hian tikhawtlai hlek loa ti tawp turin kan ngen che a. Tihtawp nghal a nih loh chuan he laia bawlhhlawh leh leivung paih motorin mi pahnih a sut hlum tawh vangin Gauhati High Court Aizawl Bench-ah PIL thehluh kan tum a. Tin, helaia leivung leh bawlhhlawh paihin environment a tihchhiat nasat em avangin National Green Tribunal (NGT) ah pawh complaint thehluh kan tum.
1. AMC in phalna a pek dan chuan leivung paih nan a nih laiin, bawlhhlawh \awih thei lo chi hrang hrang, in \hiahna hnawmhnawk \awih thei lo, hmankhat daih sarang (single use plastic), plastc ip chhia, plastic tui um paihna hmun a nih vangin.
2. Leivung paih motorin Muanna veng leh Dutlang leitan, Aizawlah mi pahnih a chil hlum tawh avang leh, ke a kal (pedestrian) te tana hlauhawm khawp a motor an tlan chak \hin avangin.
3. Durtlang Leitan rama leivung paihna hmun hnih neitute hian, leivung luia lut tur danna, Gabion Wall an siam loh avangin bawlhhlawh \awih thei lo leh leivung ton chhiar sen loh
Tuipawl luiah a lut a, Tuipawl lui hi lui laihawl \ha tak, lui nungcha tamna \hin niin Tuirial a fin a tunah hian Tuipawl lui chu leivung leh bawhhhlawh chitinin hnawh chhe vek tawh a. Tuipawl lui, Muthi, Durtlang, Sihphir, Nausel, Muanna veng leh Zuangtui veng ten lui nungcha, sangha, chengkawl, chakai leh kaikuang an manna a chhe vek tawh bawk a. Tuipawl lui chu Durtlang Leitan rama mimal pahnih, AMC in leivung paih nana a phalsak vangin chirh duma a
khah vangin.
4. He leivung paihnaah hian hmuh hnihah dan phal loh angin a hmunah Plastic lam chi halna an siam vangin.
5. Helai AMC phalnaa bawlhhlawh leh leivung paihnaah hian environment a tih chhiat tur zirna, Environment Impact Assessment (EIA) mumala tih a nih loh vangin.
6. Helaia leivung leh bawlhhlawh paihna behchhan hian, mimal hnena paih man an chawi tur chawi hreh vang a ni mai thei a, a kal kawng tawn, Selesih/Durtlang lam leh Muanna veng lamah kawng sirah kawng tluanin bawlhhlawh leh leivung an paih ruk nasat vangin.
7. Helai leivung leh bawlhhlawh paihnaah hian sawrkarin hmalakna mumal a neih hma loh chuan chhun zan zawma duty-insiamin kan dang rih dawn a. Luia bawlhhlawh leh leivung lut tur danna lung fun (gabion wall) siam te, EIA tih that te, plastic waste lak chhuah te leh, mipuite him nan kea kalna, Pedestrian /footpath a tam thei ang ber siam a nih hma loh chuan mimal hlawkna tura mipui nunna leh environment chhia hi a inhen lo a ni.
8. Mayor, AMC leh Truck Owners Association hnena lehkha kan lo thehluh tawh ten awmzia a neih loh avangin, Centre for Environment & Social Justice (CESJ) hi Environment leh Social Justice kalpuitu an nih angin phungbawm atan kan sawm a ni.
He mi rual hian leivung paihna hmun hma thlalak kan rawn thehlut nghal bawk e
