Aizawl, 30th May, 2024: Vawiin hian Municipal Commissioner Er. Lalhriatpuia MCS kaihhruainain AMC leh NIT, Mizoram hotuten Aizawl khawpui bawlhhlawh sawngbawl dan felfai zawk duang tura thawhho dan tur an sawiho.
Khawpui bawlhhlawh nihphung (waste characterization) zirchianna neih dan tur te, mipui inzirtirna (awareness) kalpui zel dan tur te, felfai zawka bawlhhlawh khawnkhawm a sawngbawl dan tur plan siam kawnga thawhho dan tur te an sawiho a. Tin, bawlhhlawh paih mumal zawka thliarhran dan tur leh sawngbawl chungchanga hmasawnna kan neihna atan; Local Council te nena tun dinhmun aia tha zawka kal dan tur chungchangte, bawlhhlawh atanga mipui mamawh siamchhuah dan tur te leh thawhho danturte an rel bawk a ni.
Hmalakna turah hian IIT atangin funding a awm theih beisei a ni a, hemi chungchangah hian thla thar July 2024 hian AMC leh NIT, Mizoram techuan ni nga (5) chhung stakeholder dangte nen workshop neih tum a ni.
Meeting ah hian Pu Lalremruata Kullai, Joint Municipal Commissioner, Pu C. Lalmuanawma, Town Planner leh Pu R. Lalmuanpuia, Executive Engineer te an tel a. NIT, Mizoram aiawhin Mechanical Engineering Department a Associate Professor pakhat (1) leh Civil Engineering Department a HOD leh a ho te, Asst. Professor pahnih(2) te an tel bawk a ni.
