Ni 28 September, 2024:: Mizo Zirlai Pawl (MZP) General Headquarters chuan, Hindu pawl pakhat Shankaracharya of Jyotirmath Peeth ten North East State hrang hrang leh Mizoram-ah ngei pawh, Bawng talhlo tura beihpui thlak an rawn tum chu duh lovin, dodâlna thuchhuah ni 13 September, 2024 khan a lo siam tawh a.
Nimin khan he pawlte hi Mizoram lo kal tumin, Private thlawhna hmangin Lengpui Airport an lo ṭum a. Zirlai pawlten kan duh loh zia thuchhuah kan lo siam avang leh, kan dodal dawn tih an hriat avangin, an thlawk let leh a ni.
Hnam dang pawl thenkhatin, Mizoram chhungah bawng talh lo tura mipui hrilhhriatna beihpui thlak an tum hi MZP chuan engti kawng mahin a pawm ngai dawn lova. Hetianga hnam dang pawl thenkhatin, Hnam nunphung khawih thei thil inzirtirna rawn neih an tum hi MZP chuan nakin zel atan a him a ring lova. An chet vel dan uluk takin a chhui zui zel dawn a. Mizo mipuite pawh hetiang hmalakna lakah fimkhur a, lo bengkhawn lo turin a ngen nghal a ni.
Mizo Hnam hnam nunphung leh tualzal nun khawih thei thila mipui zirtirna hi, eng pawl mahin neih rawn tum tawh lo se MZP chuan a duh a, a ngen nawn leh a ni.
Shankaracharya Pawlte hmalakna hi, MZP in NESO a a thawhpui pawl, North East-a zirlai pawl hrang hrang; Khasi Students’ Union leh All Arunachal Pradesh Students’ Union te pawhin an dodâl a ni.
