Baptist Church of Mizoram Serkawn Headquarters chuan Tlawmngai Pawl Foundation For Drug-Free Mizoram nena thawhhona an neih mek chu BCM Administrative Committee July ni 24 a thukhawmin a remtih angin; kum 1 dang atan a pawtsei a, a ni chhiarah kumin September ni 7 atanga nakum September ni 7 thleng a awh ang.
Tlawmngai pawl Foundation For Drug-Free Mizoram hian kum 2023 September ni 1, khan BCM Serkawn Headquarters ah puipa te nena inkawmhona chu an pawl President V. Lalnunthara hoin neih a lo ni tawh a. Hemi inkawmna rahchhuah zelah hian kum 2024 atanga kumin September thla thleng hian BCM headquarters hriatpuia rawngbawl hna hi BCM huamchhungah thawh a ni a. Ruihhlo laka fihlim tura inzirtirna neih thinah BCM Tualchhung Kohhran hrang hrangah rawngbawlna hi neih thin a ni a, BCM hi he pawl rawngbawlna Kohhran anga hriatpuina/recognition pe hmasa ber leh awmchhun an ni.
Tlawmngai pawl Foundation For Drug-Free Mizoram hruaitute chuan Kohhran thliar lova rawng an bawl thinnaah eng Kohhran pawh an thawhpui thei tih an puang.
