*PU VL ZAITHANZAMA’N A BIAL CHHUNG ZIRNA IN HRANG HRANGTE TLAWH ZEL*
Aizawl, April 21 : Pu VL Zaithanzama, Aizawl West III bialtu MLA chuan a bial chhung fangkual mekin vawiin ningani (21/4/22) khan Nursery venga zirna in pathum – Govt.Middle School, Govt.Model English School leh CLS Academy- te a tlawh a, an mamawh leh harsatna neihte a hmunah enpuiin theihtawpa hmalakpui a tum thu a sawi.
Aizawl West III bialtu MLA chuan ‘ Zirna hi hmasawnna bulpui thlentu a ni a, ram hnuk a nih miau avangin a hniam ber atanga a sang ber thlengin kan hlamchhiah thei lo’ a ti.
Pu VL Zaithanzama chuan, ‘ Vawiina kan zirlaite hi nakina kan ram min kaihruaitu tur an nih miau avangin thiamna leh hlawhtlinna tak tak pawchhuak thei khawp zirna pe thei zirna in kan neih a ngai a, kan neih ang chhunte ṭha taka enkawl hi kan bat a ni.
Lehkha zir hrim hrim bakah zirna In (building) thlengin kan tih changtlun vek a ngai a ni’ a ti.
Pu VL Zaithanzama chuan CLS Academy Principal Dumpy Singh fakin, ‘ Hetiang zirna in ṭha tak mai a din hi a fakawm a, Mizo ṭhalai sipai officer ṭha tak tak chherchhuakin hna sang tak tak thawk thei mi a chherchhuak hnem tawh hle a, hlawhtling tura mi a chherchhuah dan hi a entawntlak hle a ni’ a ti bawk.