Vawiin chawhnu khan New Champhai leh Zotlang inkar kawngpui-ah KTM Motor Cycle chetsualna avangin rawlthar mi 3 an thi.
He chetsualnaa boralta te hi New Champhai mi 2 leh Khuangphah a mite an ni a, kum tling lo hlir an la ni niin thu dawnna chuan a sawi. Chetsualna hmunah hian Champhai Police-te kal nghalin thil kalphug enfiahin tih tur ţul ang angte an tifel nghal.
Motor Cycle hi New Champhai atanga Zotlang pana tlan lai niin hriat a ni a, a chetsual hun leh an chetsual dan chiang taka hriat a ni lova, vawiin chawhnu dar 2:30 vel kha an chetsual hun ni a hriat a ni. Motor Cycle khalhtu leh a mi phurhte hi Ramhrangkawn kianga Culvert chhungah an thlawk lut nia hriat a ni. He chetsualna a boralta te hi zanin ah lumen pui an ni ang a, naktukah Postmortem Examination tih hnuah an veng thlanmualah vuiliam an ni ang
