Vawiin khan Bilkhawtlira Kuhva chingtu Pawl chuan thuchhuah siamin, “Mizoramah Kuhva hi eizawnna tlak a nih zia kan hre chho zel a, keini Bilkhawthlir khua phei chuan eizawnna berah kan hmang hial tawh a, Kum 2021 (nikum) phei kha chuan Kuhva atangin cheng nuai zariat (800) kan lei tling hial a ni,” an ti.
Thuchhuahah chuan, “Kuhva hi a rah mai bakah a chi a siam, Kuhva polypot hi mi tam tak chuan eizawn nan kan hmang chho mek bawk a, Bikhawthlir hian Kuhva Polipot atangin cheng nuai 150-180 vel a lei chhuak thin nghe nghe a ni. Kuhva a chi tura siam, polypot hi uluk a ngai em em a, Kuhva kung puitling tha bakah rah tha leh hmin tha ngei hman tur a ni a. Kuhva kung naupang leh rah hmin thalo chu a zik a bul duhin, Kuhva huan siam tum tam takin an lo hlawhchham phah tawh thin a ni.
“Hetiang a nih lai hian Bilkhawthir khua behchhan leh tlawm zawka siamin, kan thenawm Assam lam chuan Polypot an buaipui ve ta fo mai a. Hei hi tlawm zawk mahse Kuhva rah tha ni lemlo leh to thei dek dek apiang an polypot thin avangin lo lei sak lo turin zoram mipuite kan inngen a ni. Bilkhawthlir chuan a chi atana tha ngei chauh Polypot-in (a chi man hi a tlawm thei lo) chhungkua engemaw zatin eizawn nan kan hmang mek a, hlawhtling taka Kuhva huan siam kan duh a nih chuan Bilkhawthlir Kuhva polypot te rawn lei thin turin kan inngen e,” tiin an tarlang bawk.
