Dt.2nd April 2022(Saturday) zan khan BJP Mizoram State President Pu Vanlalhmuaka chuan Mamit District Dampa Constituency a, Ailawng khua ah BJP zawmthar mi 42 BJP ah a lawm lut.
Inkhawm hi Dampa East Block President Pu C Vanlalduha’n kaihruaiin, BJP State President Pu Vanlalhmuaka’n BJP zawm thar te fuihna thu a hrilhin thusawina hun a nei a ni.
Pu Hmuaka chuan BJP chuan hna kan thawh that vangin India ram State zawng zawng deuh thaw ah Mipui ten Development an duh vangin Sorkar na kan nei mek a, Mizoram ah pawh mipui te Development a kan tuihal avangin kum 2023 MLA General Election ah chuan Pathian leh mipui te zarah kan Sorkar ngei ngei dawn a ni a ti.
Pu Hmuaka chuan BJP kan hriatdan diklo leh Opposition Party ten, tun hma atanga min beihna BJP chu Kristian na nen inmil lo anga an sawi fo chu thil belhchian dawl lo ani tih Mizoram mipui te pawhin kan hre chiang tawh hle a, India Ram Constitution hian hnam tin, Sakhua tinte himna tur a neih avangin chumi ah chuan kan him vek a ni. Tun hun a BJP thanglian tur beihnan a hetiang thil, sawi a awm thin hi Development dodaltu te an ni tih ka sawi duh a ni a ti.
Pu Hmuaka chuan India Ram Prime Minister in India mipui, mirethei te tan Scheme hrang hrang a duang chhuak a, Housing For All te, Free Gas Connection te, Free Electric Connection te, Tui thianghlim in tina kan neihna tur te bakah mipui hamthatna tur Scheme a duang teuh a, nimahsela Mizoram ah chuan Sorkarna changtu ten an mahni Sorkar ta emaw tiin, diklo takin an hmang thin a hei hian Mirethei a dawng tur tak te hnen ah thleng lovin an Party mi te tan anlo la peng thin a, hei hi a pawi hle a, mirethei te rah behna lian tak a ni a ti bawk. Ailawng khua ah Unit changtlung tak kan nei a, kan khua kan Bial leh Mizoram in Development puitling State dangte hmasawnna neih ang kan neihna turin BJP ah mi dang pawh sawm lut zel turin ka sawm bawk che u a ni a ti bawk.
