BJP- Mizoram Pradesh chuan 1st General Election to Lunglei Municipal Council -2023 puan a nih ve leh, LMC Candidate zawnna “Search Committee” R.Vanramchhuanga, State Vice President kaihhhruaina hnuaiah din nghalin, an ni hian Lunglei khawpui ngeiah kalin, BJP- Mizoram Pradesh atanga Municipal Ward tina ding tur zawnna neih nghal a ni a. LMC -2023 General Election a ding tura R.Vanramchhuanga kaihhruaiin an thlan chhuah te chu Vanlalhmuaka, State President, BJP- Mizoram Pradesh hnenah theh luh niin, State Election Committee in chung candidate-te list an submit-te chu uluk taka an thlir nawn hnuah BJP- National President J.P Nadda pawmpui atana ni 9th March, 2023 hian an thawn nghal a ni. J.P Nadda, BJP- National President chuan 1st General Election to LMC-2023 a BJP- Mizoram Pradesh atanga Candidate atan heng mite hi a rawn pawm ta a ni.
Ward No Candidate Hming Veng hming
- I K.H.Lalrotlinga Zotlang
- II Lalremsangi (Reserved) Electric Veng
- III Lalramhluna Rahsi Veng
- IV Lalzarmawia Electric Veng
- V Lalmuanpuii ( Reserved) Rahsi Veng
- VI H.Lalhmingliana Electric Veng
- VII Vanlalthanga Bazar Veng
- VIII R.Lalmalsawmi (Reserved ) Rahsi Veng
- IX Zoramdinpuia Rahsi Veng
- X Laltanpuii (Reserved) Sethlun
- XI Vanlalhruaia Zobawk
BJP- Mizoram Pradesh chuan, “Lunglei khawpui chhung mipuite chu heng LMC-2023 a kan Candidate te hi Lunglei khawpui ah sorkar tha leh langtlang a awm theihna atan min vote pui turin thinlung leh tih zet zet in kan sawm a. Lunglei Municipal Council Election ah hian Lunglei khawpui mipuiten BJP Cnadidate te an thlan tlin chuan a rang thei angin Pu Hardeep Singh Puri, Union Minister of Housing and Urban Affairs, Govt of India chu Lungleiah chah chhuakin, Lunglei khawpui ngeiah Lunglei mipuite mamawh chu LMC member ten in thlen thei ang tih kan tiam a ni. Lunglei khawpui mipuite, in vote hlu tak hmangin India Prime Minister chak tak Pu Narendra Modi chu in khawpuiah hmasawnna hna a thawh ngei theih nan leh Lunglei Municipal Council chu India rama Model Municipal Council a nih theih nan he 1st Lunglei Municipal Council Election -2023 hi hmang tangkai turin BJP- Mizoram Pradesh chuan Lunglei khawpui voters zawng zawngte kan ngen che u a ni,” a ti bawk.
