PM SVANidhi chungchang Central atanga thu hmuh angin vawiin 26th October 2022 (Thursday) chawhnu Dat 1:30 hian BJP chuan PM SVANidhi State Implementing Committee chu JB Rualchhinga State Vice President kaihhruaina hnuaiah din niin,
Convenor atan JB Rualchhinga BJP State Vice President, Co- Convenor atan C Lalbiakkimi, State Mahila President te niin, State Morcha hrang hrang atangin Committee Member mi pariat (ruat anni bawk.
JB Rualchhinga chuan PM SVANidhi hi Central Sorkar in an ngaihpawimawh em em a, State BJP te hnenah mirethei eizawnna bul tan duh te tan kawng kawh hmuh tu tur a tih kan nih angin vawiin hian din a ni ta a ni. BJP chu mirethei te tan a ding kan nih avangin heng PM SVANidhi Small Vendor te tan Bank kaltlanga Loan lak tur anih anga Mizoram a Bank hrang hrang ten heng miharsa te tana Loan an pek theih nan theihtawp chhuaha hmala turin kan inbuatsaih a ni a ti.
JB Rualchhinga chuan Mizoram ah hian Loan la tamtak chuan rulh leh ngailo ang hial a ngai kan awm avangin hei erawh kan inenfiah angai a, Kristian ram kan nih anga Central Sorkar kal tlanga Loan hrang hrang ah pawh mipui te pawhin kan mawhphurhna kan hlen ve angai a ni a ti bawk.
PM SVANidhi kaltlanga eizawnna bul tanna atana Bank Loan la duh te kan awm anih chuan BJP State Office ah ngaihven turin kan in hriattir bawk a ni.
He hun hi State General Secretary te pahnih Malsawmtluanga leh Lalthangmawii ten an telpui bawk a ni.
