BJP Mizoram chuan vawiin 26th May, 2023 (Zirtawpni) hian Friday Political Session BJP State Office ah neiin, Ngursailova Sailo, BJP Aizawl District Vice President-in inkhawm kaihruaiin, R Vanramchhuanga State Vice President, (President Charge la tu) in thusawina hun a nei a, Party tana feh chhuak te aṭangin zin Report ngaihthlakna hun neih a ni bawk.
Inkhawm a thusawitu R Vanramchhuanga chuan, “BJP Mizoram chu Mizoram leh Hnam leh Zohnahthlâk te tana ding kan nih angin, Zohnahthlâk hmun hrang hranga mite tana awm leh ding kan ni a, Zohnahthlâk hnam hrang hrang te’n harsatna kan tawh hunah kan awm mai mai ngai lova, kan awm mai mai ngai dawn bawk hek lo a ni,” a ti.
R Vanramchhuanga chuan, “Manipur buaina avanga Zohnahthlâk tam tak te’n harsatna an tawh chungchang ah pawh BJP Mizoram chuan State Executive neih zawh takah, Resolution siama kan Pass tak te kha kan dinchhan a nih angin Zohnahthlâk te tan BJP Mizoram chu kan tlanchhe lova kan tlanchhe ngai dawn lo a ni,” a ti a.
R Vanramchhuanga chuan sawi chhunzawmin, “Vawiinah hian Manipur buaina chhuah avanga Sakhaw Biak In hrang hrang tihchhiat a ni hi kan dem takzet a, Mizoram ah BJP Sorkarna awm ni phei se la chuan hei ai hian BJP Mizoram chuan nasa zawkin Zohnahthlâk hrang hrang te tan kan ṭangkaiin, kan thawk na leh zual thei dawn a, hei tak hi Mizoram Kristian tamna hian kan hriatfiah a, Mizoram mipui leh Zohnahthlâk te tan ṭangtai tak leh awmze nei taka hma kan lak theihna turin BJP hi kan luhchilh a, a chhung aṭanga hma kan lak hi a pawimawh hle a ni,” a ti bawk.
