BJP Mizoram Pradesh President Vanlalhmuaka New Delhi-a cham mek chuan Subrahmanyam Jaisankar, Minister of External Affairs chu Parliament House a, a office ah hmu in Myanmar ral tlan Mizoram chhunga awm te tanpuina pek dan tur leh Kaladan Multi-Modal Transit Transport Project peih thuai theih dan tur a sawipui

Vanlalhmuaka chuan Myanmar ram buaina avangaMizoram a raltlante chu kan unaute an nih avangin Mizote chuan engti kawng mahin kan hawisan thei lova, kan unaute Mizoram chhunga lo lutte hi lo tuam hlawm hi kan mawhphurhna a ni tiin Jaisankar, Minister of External Af￾fairs chu a hrilh a. Hetih rual hian heng raltlante hi a rang lama tanpuina pe tura ngenin, pek dan tur chungchang pawh Jaisankar a sawipui nghal a ni. Pu Hmuaka chuan mipui sorkar tundin tuma Myanmar rama movement hi puih an ngaih thu leh tanpui turin a ngen tel bawk a ni. Jaisankar, Minister of External Affairs chuan a rang lama hmalak a nih tur thu hrilhin, a hmalakna pawh hrilh hriat a nih tur thu a sawi bawk a ni. KMMTTP hna kal mek, hna muang lutuk pawh Minister chu sawipuiin, a chak thei ang bera hma la turin a ngen a, KMMTTP hi peih anih chuan Mizoram chauh nilovin, India Hmarchhak tan hmasawnna nasa tak thlentu tur anih thute a hrilh bawk a, Act-KMMTTP chu thawh
zawh anih vat theihna tura kalpui thuai thuai turin a ngen bawk a ni. Minister chuan BJP State President thuthlen te chu thil pawimawh tak leh enzui a hmalak ngei ngai vek an nih avangin a ngaihthah loh tur thu a hrilh a ni.