BJP President-in MPCC President a thusawiah a ding ngam em tih a zawt

Vawiin 7th October 2022, khan BJP Mizoram chuan BJP State Office, Atal Bhawan, Upper Republic-ah Friday Political Session neih niin, Vanlalhmuaka, State President-in thusawina hun a nei.

Vanlalhmuaka chuan, “Tunlai hian Congress Party chuan District hrang hrangah Campaign beihpui an thlak a, chutah chuan an President Pu Lalsawta a thusawia ding ngam anih thu fakin an sawi a, tin Sorkar-na an chang leh anih chuan, Minister leh MLA eiru te kan ban ang tih chu an thupui a ni bawk. Hei hi meng reng inbumna mai a ni a, tuna an President hi MADC Election a, a thusawi a a din loh vang hian rinngam ani tawh lo a ni. Tun hun ah Opposition anni ta cheng a, an tihloh tur sawi an ching leh ta hi Mizoram mipuite hian kan hrereng a, tun huna an kalphung hi chinghne beram vun sin ang mai niin, dik awm tak a lang nimahsela, ngaihtuah chian chuan dik silo, thusawi an ching thin hi kan ram chhiatna bul a ni,” a ti. Congress President Pu Lalsawta hian rintlak ani tih mipuiah a lanna tur chuan MADC election a, a thusawi ah khan a ding ngam dawn em? tih hi ka zawhna ani,” a ti.

Vanlalhmuaka chuan, ” Election hmasa khan Pu Lalduhoma ZPM Leader chuan kan Sorkar chuan Corruption ti te chu kan ngaidam vek ang a lo ti tawh a, tunhnaiah Corruption ti te kan hrem ang tih a sawi leh bawk a, mahni thusawi a chiang lo, mahni sawihnu pawh hrechianglo hi abuaithlak a. Keini BJP erawh chuan Corruption hi kan ram ti chhe tu anih avangin kan do mai nilovin, chung titute chu CBI ko lutin kan hnungkhirh dawn a ni,” a ti.

Pu Vanlalhmuaka chuan, ” kum 2023 MLA General Election lo awm tur ah chuan Mizoram mipui ten BJP hi hnathawk thei a kan siam angai a, Mizoram mamawh hrang hrang leh mipui mamawhte a taka pe theitu chu BJP kan ni a. Party dangte’n mipui hma a an intiam thin tamtak hi a tak ram thleng thei lo tur leh an duhthusam mai a ni, Chuvangin keini’n kan sawi leh Party dangin an sawi a in an lohna chu, BJP chu National Party kan nih avangin, Mizoram mamawh minpe theitu Party kan nih vang zawk a ni a ti bawk.

BJP Mizoram chuan Party inrelbawlna insiksawi tharin OB ruat thar a ni bawk.

Vanlalhmuaka State President BJP- Mizoram Pradesh chuan an party in nasa taka hma a sawn chhoh tak avang leh kum 2023 MLA election lo turah chak zawka hma lak a nih theih nan Competent Authority te nena an sawiho hnu in, a hnuai mi ang hian State Office Bearer tur a ruat tha a. Heta mawhphurhna nei thar zawng zawngte hi duhsakna a hlan rualin, an mawhphurhna te Mizoram tana hlen chhuak ngei turin a beisei a ni.

1). J.B.Rualchhinga Serchhip

2). R.Vanramchhuanga Ramhlun Vengthar, Aizawl

3). T.Zakunga Lawngtlai

4). Lalbiaktluangi Electric Veng, Lunglei

5). K. Changliana Bungkawn Vengthar,Aizawl

6). Surjyasen Chakma Silsury (Chakma

Community)

1). Sandeep Agarwal Mission Veng, Aizawl

1). Lalthangmawii Thuampui, Aizawl

2). Malsawmtluanga Zarkawt, Aizawl

1). V.L.Awia Bawngkawn, Aizawl

2). P.Sanghmingthanga Chanmari, Aizawl

3). Christopher Lun Chanmari, Aizawl

4). B.Luaha, MDC Siaha District

5). Fiona Sailo Nursery Veng, Aizawl

6). Lalromawia Mamit District