State BJP President Dr K. Beichhua in Union Finance Minister Pi Nirmala Sitharaman a hmu Mizoram State BJP President, Dr K. Beichhua, MLA chuan vawiin khan Parliament Session chawlh laiin Union Finance Minister Pi Nirmala Sitharaman a hmu a, Mizoram harsatna leh mamawh hrang hrangte a thlen.
Union Finance Minister nen an inkawmnaah Dr K. Beichhua chuan tun dinhmuna Mizoramin chhan hrang hrang avanga harsatna kan tawh mekte leh sum lama harsatna kan neihte chu lo zirchiansak tur leh, tanpuina awm theite a kawng lo dap pui turin a ngen a ni.
Union Finance Minister Sitharaman chuan an thil thlente chu lo enzuisak a tum thu sawiin, remchang hmasa berah Mizoram rawn tlawh a tum thu a lo hrilh a ni. Delhi a cham mek, Mizoram BJP President chuan zanin hian Union Minister dangte pawh dawr chhunzawm zel a tum bawk.
