Aizawl April 28 : Vawiin khan Dr. ZR Thiamsanga MLA, Vice Chairman, Health and Family Welfare Board chuan Taxation Hall, MINECO ah Blessino Nursing School 3rd Capping and Lamp Lighting ceremony hun a hmanpui a. Khuallian Dr ZR Thiamsanga chuan Mizo nurse that bik zia te, foreign a an duh zia te sawiin Florence Nightingale-i meichher chhit maicham chu timit lo tura chahin, mahni hamthatna um lo a, damlo te hmangaih turin a chah. Nurse leh paramedicals lam te pawh sorkar hotute nen la ngaihtuah a foreign a an thawh theihna tur ngaihtuahpui tha a tih thu a sawi a. Dr. ZR Thiamsanga chuan zirlaite chu tumruhna nen, beidawng lova theihtawp chhuaha lehkha zir zel tur a fuihin, an thiamnate ram leh midangte tana hmang zel turin a chah a ni
He hun hi Pi Lalduhsaki Registrar Mizoram Nursing Council pawhin hmanpuin lukhum a khum tir bawk. Blessino Nursing School hi 2019 a din tan a ni a, Kum khatah zirlai 30 la theiin Mizoram Nursing Council recognise niin Indian Nursing Council in suitability a pek an ni bawk.
