Jan. ni 31st to 3rd Feb. 2023 chhunga Serchhip Boxing Hall a Mahindra PikUp 4×4 Mizoram Open Boxing Championship 2023 thleng turin Serchhip Dist. Boxing Assn. te pawh nasa takin an inbuatsaih chho mek zel a, Boxing Hall chhung leh pawn te pawh tifaiin Decoration an buaipui tan mup mup tawh a, beisei aiin Boxer tel tum pawh an tam dawn niin an hria a, Mizoram a Boxer tha, kei ka ni inti rual te chuan tel an tum deuh thup a, Asian Gold Medalist Lalbuatsaihi pawhin a khelh tur thu Serchhip Dist. Boxing Assn. hruaitute a hriattir tawh.
Serchhip Dist. Boxing Assn. chuan he Championship khel duh Boxer te in Report hun Jan. ni 26, 2023 Republic Day thleng an lo tih chu Boxer in report an awm belh zel avangin Jan. ni 30, 2023, Boxer thlenkim ni thleng an pawhsei leh a, Hmeichhe Boxer te tan 60+ kgs weight Category siamthar leh bawk a, Serchhip Dist. Boxing Assn.(SEDBA) General Secretary Pu Kaptluanga Ralte Ph No. 9436596533 / 9862232908 ah Boxer tel tum te la in report theih reng a ni e.
Mahindra PikUp 4×4 Mizoram Open Boxing Championship 2023 hi Jan. ni 31 a khelh tan tur chauh nimahse a hmun ngeia Practice lawk an duh avangin Aizawl atangin Boxer 3 te chuan nimin khan Serchhip an thleng der tawh a, naktuk inrinni hian Lawngtlai lam Boxer engemawzat in Serchhip an pan leh ang. A nawlpui te erawh karleh thawhtan Jan. ni 30 khian Serchhip an pan thung ang.
Serchhip Dist. Boxing Assn. (SEDBA) President Pu Kapliana Pachuau chuan 42 Assam Rifles te nen tangkawpa an buatsaih tur Mahindra PikUp 4×4 Mizoram Open Boxing Championship 2023 inbuatsaihna phur taka an kalpui mek thu a sawi a, Mizo thalai, Boxer tha tak tak te tan inhnekna tur chance a vang em em a, Championship buatsaih te a hautak em em laia Assam Rifles te nen tangkawpa an buatsaih thei tur chu lawmawm a tih thu a sawi a, LPS lamin Media Partner tura kan sawmna min pawmsak bakah sum fai thahnem taka min la tanpui zui lehzel te hi kan lawm em em a ni tiin Sports Minister zahawm tak Pu Robert Romawia Royte in kan Championship min hawnsak dawn bakah Best Boxer(Men & Women) te Rs.10000 ve ve bakah Best Challenger te Rs.5000 ve ve pek a la tum lehzel te hi kan lawm em em a ni a ti bawk.
Tarlan tawh angin Mahindra PikUp 4×4 Mizoram Open Boxing Championship 2023 hi Jan. ni 31 to 3rd Feb. 2023 chhungin Serchhip Boxing Hall ah khelh tur a ni a, Boxer kal advance duh, a hmun ngeia lo practice lawk duh te tan a kal theih reng tawh a, thlenna nei lo te Boxing Hall ah thlentir zel an ni ang. Boxer te hi 30th Jan. 2023 ah thlen kim vek tur a ni. 31st Jan. 2023 zing dar 7 ah Weight-in leh Tale of the Tape a mi tur thla lak tur a ni a, hemi ni vek zan dar 7 ah Sports Minister in a hawnna a nei anga, Championship a inhnek zawng zawng hi LPS in LIVE in an pechhuak reng dawn bawk a ni.
